வெள்ளத்தால் பாதிக்கப்பட்ட மக்கள் தொற்று நோய்கள் பரவும் அபாயம் - சுகாதாரத்துறை அறிவிப்பு - லங்காசிறி நியூஸ்

சமீபத்திய வெள்ளத்தைத் தொடர்ந்து பரவும் தொற்று நோய்களின் அபாயம் குறித்து பொது சுகாதார ஆய்வாளர்கள் (PHIs) சங்கம் தெரிவித்துள்ளது. வெள்ளநீருக்கு வெளிப்படும் நபர்கள் வயிற்றுப்போக்கு, லெப்டோஸ்பிரோசிஸ் மற்றும் புழு தொல்லை போன்ற நோய்களுக்கு குறிப்பாக பாதிக்கப்படுகின்றனர் என்று பொது சுகாதார பரிசோதகர்கள் சங்கத்தின் சந்துன் ரத்நாயக்க தெரிவித்துள்ளார்.இந்த காலகட்டத்தில் சுத்தமான, புதிய மற்றும் சூடான உணவை மட்டுமே உட்கொள்வதன் முக்கியத்துவத்தை அவர் வலியுறுத்தினார். மேலும் நீரினால் பரவும் நோய்களைத் தடுக்க தண்ணீரை கொதிக்கவைத்து அருந்து அறிவுறுத்தியுள்ளார். மேலும் வெள்ளநீரில் தோலில் காயங்கள் அல்லது கீறல்கள் உள்ளவர்களுக்கு லெப்டோஸ்பிரோசிஸ் ஏற்படும் அபாயத்தை அவர் எடுத்துரைத்தார். "உங்களுக்கு ஏதேனும் திறந்த காயங்கள் இருந்தால் மற்றும் வெள்ளநீருடன் தொடர்பு கொண்டிருந்தால், லெப்டோஸ்பிரோசிஸ் நோய் வருவதற்கான வாய்ப்பு உள்ளது. உடனடி சிகிச்சை மிகவும் முக்கியமானது." எனவும் தெரிவித்துள்ளார்.  நாடு முழுவதிலும் 40,758 குடும்பங்களைச் சேர்ந்த 159,511 பேர் கடும் மழையால் பாதிக்கப்பட்டுள்ளதாக அனர்த்த முகாமைத்துவ நிலையம் (DMC) தெரிவித்துள்ளது. மீட்புப் பணிகள் தொடர்வதால், பொதுமக்கள் தங்கள் உடல்நலம் மற்றும் சுகாதாரம் குறித்து விழிப்புடன் இருக்குமாறு அதிகாரிகள் வலியுறுத்தியுள்ளமை குறிப்பிடத்தக்கது.