ஆட்டோ மீது டிரக் மோதி பயங்கர விபத்து - 3 குழந்தைகள் உட்பட 10 பேர் பலி

ஹர்தோய்,உத்தரப் பிரதேசம் மாநிலம் ஹர்தோய் மாவட்டத்தில் ஆட்டோ மீது டிரக் மோதியதில் 6 பெண்கள், 3 குழந்தைகள் உட்பட 10 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.ரோஷன்பூர் கிராமத்திற்கு அருகே பில்கிராம்-மாதவ்கஞ்ச் சாலையில் சென்று கொண்டிருந்த டிரக், பைக் ஒன்றின் மீது மோதாமல் இருக்க முயன்றபோது எதிர்பாராதவிதமாக ஆட்டோ மீது மோதி பயங்கர விபத்துக்குள்ளானது. இதில் ஆறு பெண்கள், மூன்று குழந்தைகள் உட்பட 10 பேர் பரிதாபமாக உயிரிழந்தனர். மேலும் 4 பேர் காயமடைந்தனர்.காயமடைந்தவர்கள் மீட்கப்பட்டு சிகிச்சைக்காக மருத்துவமனையில் அனுமதிக்கப்பட்டுள்ளனர். அங்கு அவர்கள் உயிருக்கு ஆபத்தான நிலையில் சிகிச்சை பெற்று வருகின்றனர். டிரக்கை போலீசார் பறிமுதல் செய்து இந்த விபத்து தொடர்பாக விசாரணை மேற்கொண்டு வருகின்றனர்.விபத்தில் உயிரிழந்தவர்களுக்கு உத்தரப் பிரதேச மாநில முதல்-மந்திரி யோகி ஆதித்யநாத் இரங்கல் தெரிவித்துள்ளார். மேலும் காயமடைந்தவர்களுக்கு சிறந்த சிகிச்சை அளிக்க மாவட்ட நிர்வாக அதிகாரிகளுக்கு உத்தரவிட்டுள்ளார்.