பரிசில் ஏலத்துக்கு வரும் டைனோசர் எலும்புக்கூடு! - 13 மீற்றர் நீள ராட்சசன்!!
![பரிசில் ஏலத்துக்கு வரும் டைனோசர் எலும்புக்கூடு! 13 மீற்றர் நீள ராட்சசன்!!](http://www.paristamil.com/content_images/news/news_07-04-2019_180c1e009c4f425b243346558ca2f84_crop_615x324.png)
150 மில்லியன் வருட பழமையான இராட்சச டைனோசர் எலும்புக்கூடு ஒன்று பரிசில் விரைவில் ஏலத்துக்கு வர உள்ளது.
வரும் ஜூன் மாதம் பரிசில் இடம்பெற உள்ள 'பரிஸ் ஏல'த்தில் இந்த டைனோசர் எலும்புக்கூடு விற்பனைக்கு வர உள்ளது. <<Skinny>> என செல்லப்பெயர் கொண்டு அழைக்கப்படும் இந்த டைனோசர் எலும்புக்கூடு 13 மீற்றர் நீளமும், 6.20 மீற்றர் உயரமும் கொண்ட இராட்சச எலும்புக்கூடு ஆகும். ஜூன் 3 ஆம் திகதி வரை இலண்டனின் ஹீத்துரு விமான நிலையத்தில் வைக்கப்பட்டிருக்கும் இந்த டைனோசர் எலும்புக்கூடு, ஏல விற்பனையை அடுத்து உரியவருக்கு வழங்கபடும் என தெரிவிக்கப்பட்டுள்ளது.
இந்த எலும்புக்கூடு 1.5 மில்லியன் யூரோக்களில் இருந்து, 2 மில்லியன் யூரோக்கள் வரை விற்பனையாகும் என எதிர்ப்பார்க்கப்பட்டுள்ளது. குறித்த டைனோசர் எலும்புக்கூடு தனது சொந்த காலில் நிற்கின்றமையும் குறிப்பிடத்தக்கது.
மூலக்கதை
![](https://www.tamilmithran.com/img/apple_icon.png)