புரோ கபடி லீக்; உ.பி.யோத்தாஸ் - யு மும்பா அணிகள் இன்று மோதல்

நொய்டா,11-வது புரோ கபடி லீக் போட்டி தொடர் கடந்த அக்டோபர் 18ம் தேதி ஐதராபாத்தில் தொடங்கியது. இந்த தொடரின் முதல் கட்ட லீக் ஆட்டங்கள் அக்டோபர் 18ம் தேதி முதல் நேற்று வரை ஐதராபாத்தில் நடைபெற்றது. இதையடுத்து இந்த தொடரின் 2வது கட்ட லீக் ஆட்டங்கள் இன்று நொய்டாவில் தொடங்குகிறது.இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கும் முதல் ஆட்டத்தில் உ.பி.யோத்தாஸ் - யு மும்பா அணிகள் மோதுகின்றன. தொடர்ந்து இரவு 9 மணிக்கு தொடங்கும் 2வது ஆட்டத்தில் குஜராத் ஜெயண்ட்ஸ் - அரியானா ஸ்டீலர்ஸ் அணிகள் மோத உள்ளன.இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் யு மும்பா 3வது இடத்திலும், அரியானா ஸ்டீலர்ஸ் 7வது இடத்திலும், உ.பி.யோத்தாஸ் 10வது இடத்திலும், குஜராத் ஜெயண்ட்ஸ் 12வது இடத்திலும் உள்ளன.