புரோ கபடி லீக்; உ.பி.யோத்தாஸ் - புனேரி பால்டன் அணிகள் இன்று மோதல்

புனே, 11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது. இதில் இரவு 8 மணிக்கு தொடங்கும் ஆட்டத்தில் உ.பி.யோத்தாஸ் - புனேரி பால்டன் அணிகள் மோதுகின்றன. தொடர்ந்து இரவு 9 மணிக்கு தொடங்கும் ஆட்டத்தில் தெலுங்கு டைட்டன்ஸ் - பெங்கால் வாரியர்ஸ் அணிகள் மோத உள்ளன.இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் உ.பி.யோத்தாஸ் 4வது இடத்திலும், தெலுங்கு டைட்டன்ஸ் 7வது இடத்திலும், புனேரி பால்டன் 8வது இடத்திலும், பெங்கால் வாரியர்ஸ் 10வது இடத்திலும் உள்ளன.