கர்நாடகாவில் சாலை விபத்து: 3 பேர் பலி; 9 பேர் காயம்

கலபுரகி,கர்நாடகாவின் கலபுரகி மாவட்டத்தில் கொப்பூர் கிராமம் அருகே கரும்பு ஏற்றி வந்த லாரி ஒன்றும், சுற்றுலா பயணிகளை ஏற்றி சென்ற வாகனம் ஒன்றும் மற்றும் பைக் ஒன்றும் விபத்தில் சிக்கின.இந்த சம்பவத்தில் 3 பேர் பலியானார்கள். 9 பேர் காயமடைந்தனர். அவர்கள் சிகிச்சைக்காக மருத்துவமனைக்கு கொண்டு செல்லப்பட்டனர். விபத்தில் உயிரிழந்தவர்கள் வினிதா (வயது 56), அனூப் (வயது 29) மற்றும் பசவராஜ் (வயது 40) என அடையாளம் காணப்பட்டு உள்ளனர்.இந்த சம்பவம் பற்றி அறிந்ததும் கலபுரகி போலீஸ் சூப்பிரெண்டு ஸ்ரீனிவாசலு விபத்து நடந்த பகுதிக்கு நேரில் சென்று பார்வையிட்டார். விபத்துக்கான காரணம் பற்றி ஆய்வு மேற்கொண்டார். போலீசார் விபத்து பற்றி தொடர்ந்து விசாரணை நடத்தி வருகின்றனர்.