ஐ.எஸ்.எல். கால்பந்து தொடர்; ஐதராபாத் - பெங்களூரு ஆட்டம் 'டிரா'

ஐதராபாத் ,13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று 2 ஆட்டங்கள் நடைபெறுகிறது. அதில் மாலை 5 மணிக்கு ஐதராபாத்தில் தொடங்கிய ஆட்டத்தில் ஐதராபாத் எப்.சி - பெங்களூரு எப்.சி அணிகள் மோதின. தொடக்கம் முதலே விறுவிறுப்பாக நடைபெற்ற இந்த ஆட்டத்தின் முதல் பாதியில் ஐதராபாத் அணி (21வது நிமிடம்) ஒரு கோல் அடித்து 1-0 என முன்னிலை பெற்றது.தொடர்ந்து நடைபெற்ற 2வது பாதி ஆட்டத்தில் (78வது நிமிடம்) பெங்களூரு அணி ஒரு கோல் அடித்து ஆட்டத்தை 1-1 என சமனுக்கு கொண்டு வந்தது. இதையடுத்து இரு அணி வீரர்களும் கோல் அடிக்க எடுத்த முயற்சிகளுக்கு இறுதிவரை பலன் கிடைக்கவிலை. இறுதியில் இந்த ஆட்டம் 1-1 என்ற கோல் கணக்கில் டிராவில் முடிந்தது. தொடர்ந்து கேரளாவில் நடைபெற்று வரும் மற்றொரு லீக் ஆட்டத்தில் கேரளா பிளாஸ்டர்ஸ் எப்.சி - நார்த் ஈஸ்ட் யுனைடெட் எப்.சி அணிகள் ஆடி வருகின்றன.