இலங்கைக்கு எதிரான முதல் டெஸ்ட்: இரட்டை சதம் விளாசிய கவாஜா

காலே, இலங்கைக்கு சென்றுள்ள ஆஸ்திரேலிய கிரிக்கெட் அணி தலா 2 போட்டிகள் கொண்ட டெஸ்ட் மற்றும் 2 ஒரு நாள் போட்டிகளில் விளையாடுகிறது. இதில் இவ்விரு அணிகளுக்கு இடையே முதலில் டெஸ்ட் தொடர் நடைபெறுகிறது. அதன்படி இவ்விரு அணிகளுக்கு இடையிலான முதலாவது டெஸ்ட் போட்டி காலே மைதானத்தில் நேற்று தொடங்கியது . இந்த போட்டிக்கான டாஸ் போடப்பட்டது. அதில் டாஸ் வென்ற ஆஸ்திரேலிய அணியின் கேப்டன் ஸ்மித் பேட்டிங்கை தேர்வு செய்தார் , அதன்படி ஆஸ்திரேலிய அணி முதலில் பேட்டிங் செய்தது . தொடக்க வீரர்களாக கவாஜா , டிராவிஸ் ஹெட் களமிறங்கினர் .இருவரும் சிறப்பாக விளையாடி ரன்கள் குவித்தனர். நிலைத்து ஆடிய இருவரும் அரைசதமடித்து அசத்தினர்.தொடர்ந்து 57 ரன்களில் ஹெட் ஆட்டமிழந்தார் . பின்னர் லபிஷேன் 20 ரன்களில் ஆட்டமிழந்தார். தொடர்ந்து வந்த ஸ்மித் சிறப்பாக விளையாடினார் .கவாஜா , ஸ்மித் இருவரும் நிலைத்து ஆடி ரன்கள் குவித்தனர் .தொடர்ந்து விளையாடிய இருவரும் சதமடித்தனர் . இறுதியில் முதல் நாள் ஆட்ட நேர முடிவில் ஆஸ்திரேலிய அணி 2 விக்கெட் இழப்பிற்கு 330 ரன்கள் எடுத்தது . கவாஜா 147 ரன்களுடன், ஸ்மித் 104 ரன்களுடன் களத்தில் இருந்தனர் .இன்று 2வது நாள் ஆட்டம் தொடங்கியது. கவாஜா, ஸ்மித் இருவரும் சிறப்பாக விளையாடி ரன்கள் குவித்தனர். ஸ்மித் 141 ரன்களில் ஆட்டமிழந்தார் . தொடர்ந்து பொறுப்புடன் விளையாடி கவாஜா இரட்டை சதமடித்து அசத்தினார். இது அவரது முதல் இரட்டை சதம் ஆகும்.