4-வது டி20 போட்டி: தொடரை கைப்பற்றுமா இந்திய அணி..? இங்கிலாந்துடன் இன்று மோதல்

புனே, இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி 5 போட்டிகள் கொண்ட டி20 தொடரில் விளையாடி வருகிறது. இதில் கொல்கத்தா, சென்னையில் நடந்த முதல் இரு ஆட்டங்களில் இந்தியாவும், ராஜ்கோட்டில் நடந்த 3-வது ஆட்டத்தில் இங்கிலாந்தும் வெற்றி பெற்றன. தொடரில் இந்தியா 2-1 என்ற கணக்கில் முன்னிலை வகிக்கிறது.இதனையடுத்து இவ்விரு அணிகள் இடையிலான 4-வது டி20 போட்டி மராட்டிய மாநிலம் புனேயில் இன்று (வெள்ளிக்கிழமை) நடக்கிறது.இதில் இந்திய அணி வெற்றி பெற்று தொடரை கைப்பற்றுமா? என்ற ஆவல் ரசிகர்களிடையே எழுந்துள்ளது. மறுபுறம் இந்த ஆட்டத்தில் வெற்றி பெற்று தொடரை சமநிலைக்கு கொண்டு வர வேண்டும் என்ற முனைப்புடன் இங்கிலாந்து விளையாட உள்ளது.