இந்தியாவில் சில்லறை பணவீக்கம் 7 மாதங்களில் இல்லாத அளவிற்கு சரிவு

புதுடெல்லி,இந்தியாவில் சில்லறை பணவீக்கம் கடந்த 7 மாதங்களில் இல்லாத அளவுக்கு சரிந்து பிப்ரவரியில் 3.61 சதவிதமாக குறைந்துள்ளது. மேலும் இதுதொடர்பாக தேசிய புள்ளியியல் ஆய்வகம் வெளியிட்டுள்ள அறிக்கையில், "நுகர்வோர் விலைக் குறியீடு அடிப்படையிலான சில்லறை பணவீக்கம் 2024 ஜனவரியில் 4.26 சதவீதமாகவும், பிப்ரவரியில் 5.09 சதவீதமாகவும் இருந்தது.2024 நவம்பருக்குப் பிறகு நுகர்வோர் விலைக் குறியீடு அடிப்படையிலான சில்லறை பணவீக்கம் ரிசர்வ் வங்கி அறிவித்த வரம்புக்குள் நீடித்து வருகிறது. நாட்டின் சில்லறை பணவீக்கம் 2 6 சதவீதத்திற்குள் இருக்க வேண்டும் என ரிசர்வ் வங்கி நிர்ணயித்துள்ளது. 2025 ஜனவரியை ஒப்பிடும்போது பிப்ரவரி உணவுப் பணவீக்கத்தில் 222 புள்ளிகள் சரிந்தது. 2023 மே மாதத்தில் ஏற்பட்ட சரிவுக்குப் பிறகு இந்த அளவுக்கு உணவுப் பணவீக்கம் சரிவை சந்தித்துள்ளது.ஓராண்டிலிருந்து மற்றொரு ஆண்டு வரை கணக்கிடப்படும் சில்லறை பணவீக்கத்தில் குறிப்பாக இஞ்சி (-35.81 சதவீதம்), சீரகம் (-28.77 சதவீதம்), தக்காளி (-28.51 சதவீதம்), காலிபிளவர் (-21.19 சதவீதம்), பூண்டு ((-20.32 சதவீதம்) குறைந்த விலையில் இருந்தன. மாறாக தேங்காய் எண்ணெய் (54.48 சதவீதம்), தேங்காய் (41.61 சதவீதம்), தங்கம் (35.56 சதவீதம்), வெள்ளி (30.89 சதவீதம்), வெங்காயம் (30.42 சதவீதம்) விலை உயர்ந்து காணப்பட்டன.நகர்ப்புற பணவீக்கம் ஜனவரியில் 3.87 சதவீதம் ஆக இருந்த நிலையில் பிப்ரவரியில் 3.32 சதவீதம் ஆக குறைந்துள்ளது. இதேபோன்று நகர்ப்புற உணவு பணவீக்கத்தில் 5.53 சதவீதத்தில் இருந்து 3.20 சதவீதமாக சரிந்துள்ளது. இதேபோன்று கிராமப் பகுதிகளில் ஜனவரியில் 4.59 சதவீதம் ஆக இருந்த உணவு பணவீக்கம் பிப்ரவரியில் 3.79 சதவீதம் ஆகக் குறைந்துள்ளது.குறைந்த பணவீக்கம் கொண்ட மாநிலமாக தெலுங்கானா (1.13 சதவீதம்) உள்ளது. அதிக பணவீக்கம் கொண்ட மாநிலமாக கேரளா (7.31 சதவீதம்) உள்ளது" என்று அதில் தெரிவிக்கப்பட்டுள்ளது. கடந்த 2 ஆண்டுகளில் சில்லறை பணவீக்கம் 4 சதவீதத்திற்கும் கீழ் சரிந்துள்ளது இதுவே முதல்முறையாகும். நுகர்வோர் வாங்கும் சில்லறைப் பொருட்களின் விலைகள் காலப்போக்கில் உயரும் விகிதமே சில்லறை பணவீக்கம் எனப்படும்.