கொரியன் சீரிஸ் போஸ்டரைக் காப்பியடித்த 'பிரதர்'
![கொரியன் சீரிஸ் போஸ்டரைக் காப்பியடித்த பிரதர்](https://img1.dinamalar.com/cini//CNewsImages/NTLRG_20230919105747110924.jpg)
ராஜேஷ் இயக்கத்தில், ஹாரிஸ் ஜெயராஜ் இசையமைப்பில், ஜெயம் ரவி, பிரியங்கா மோகன் மற்றும் பலர் நடிக்கும் படம் 'பிரதர்'. இப்படத்தின் போஸ்டர் நேற்று வெளியிடப்பட்டது. பார்ப்பதற்கு வித்தியாசமாக இருக்கிறதோ என்று ரசிகர்கள் பாராட்டி வந்தனர்.
இந்நிலையில் அது ஒரிஜனல் டிசைன் இல்லை, காப்பியடிக்கப்பட்ட டிசைன் என உடனடியாக சமூக வலைத்தளங்களில் பரவியது. 2021ம் ஆண்டு வெளியான 'பிரீத் ஆப் டெஸ்டினி' என்ற கொரியன் சீரிஸ் போஸ்டர்களிலிருந்து காப்பியடிக்கப்பட்டது என ரசிகர்கள் வெளிச்சத்திற்குக் கொண்டு வந்தனர்.
சரி, போஸ்டர் டிசைனைத்தான் காப்பியடித்துள்ளார்கள் என்று பார்த்தால், ஒரிஜனல் போஸ்டரில் உள்ள கதாபாத்திரம் அணிந்த அதே விதமான பேண்ட், ஷர்ட், ஷு என கலரையும் சேர்த்து காப்பியடித்துள்ளார்கள்.
இன்றைய ஓடிடி யுகத்தில் இப்படியெல்லாம் காப்பியடித்தால் உடனடியாக தெரிந்துவிடாதா.
மூலக்கதை
![](https://www.tamilmithran.com/img/apple_icon.png)