இலங்கை ஜனாதிபதி தேர்தல்: எவ்வாறு வாக்களிக்க வேண்டும்? தேர்தல் ஆணையாளரின் விளக்கம்! - லங்காசிறி நியூஸ்

இலங்கையின் அடுத்த முக்கியமான ஜனாதிபதித் தேர்தல் செப்டம்பர் 21 ஆம் திகதி நடைபெறவுள்ள நிலையில், இலங்கை பல தேர்தல் முடிவுகளுக்கு தயாராகி வருகிறது.அந்தவகையில் தற்போது வாக்காளர்கள் தமது வாக்கை எவ்வாறு சரியாக அளிக்க வேண்டும் என்பது குறித்து தேர்தல்கள் ஆணையாளர் நாயகம் சமன் ஸ்ரீ ரத்நாயக்க விளக்கமளித்துள்ளார். முதலாவது வாக்கினை '1' என்றும் விருப்பு வாக்குகளை '2' மற்றும் '3' என்றும் குறிக்கலாம்.அத்துடன் ஒரு வாக்கை மட்டும் அளிப்பதற்கு, '1' அல்லது 'X' எனக் குறிக்கலாம் என சுட்டிக்காட்டப்பட்டுள்ளது.எனினும், ஒரு வாக்கை அளிக்கும் போது '1' மற்றும் 'X' என்ற இரண்டையும் குறிக்க வேண்டாம். அத்துடன் 'X' அடையாளம் இட்ட பின்னர் வேறு எந்த எண்ணையும் பயன்படுத்த வேண்டாம்.மேலும் 1 2 3 4 5 6 போன்ற பல இலக்கங்களையும் குறிக்க வேண்டாம். சரியாக வாக்களிக்காத அனைத்து வாக்குகளும் நிராகரிக்கப்படும் எனவும் தேர்தல்கள் ஆணையாளர் நாயகம் தெரிவித்துள்ளமை குறிப்பிடத்தக்கது.