அன்புடன் வரவேற்ற நேப்பலி ரசிகர்களுக்கு இலவச பியர்

கோமோ: இத்தாலியின் ஆக உயரிய நிலை காற்பந்து (Serie A) லீக் போட்டிக்குத் தன்னை அன்புடன் வரவேற்ற நேப்பலி ரசிகர்களை மகிழ்விக்க லீக் போட்டிக்குப் புதிதாகத் தகுதி பெற்ற கோமோ குழுவின் நிர்வாகம் முடிவெடுத்துள்ளது.அக்டோபர் 4ஆம் தேதியன்று நேப்பல்ஸ் நகரில் நேப்பலியின் விளையாட்டரங்கில் கோமோ களமிறங்கியபோது அக்குழுவை வரவேற்கும் வகையில் நேப்பலி ரசிகர்கள் கரவொலி எழுப்பி ஆரவாரம் செய்தனர்.இந்நிலையில், அக்டோபர் 7ஆம் தேதியன்று கோமோவும் நேப்பலியும் மீண்டும் மோதின.இம்முறை ஆட்டம் கோமோவின் கியூசிப்பி சினிகாக்லியா விளையாட்டரங்கில் நடைபெறுகிறது.தனது விளையாட்டரங்கிற்கு வரும் நேப்பலி ரசிகர்கள் ஒவ்வொருவருக்கும் இலவச பியர் வழங்கப்படும் என்று கோமோ குழுவின் நிர்வாகம் தெரிவித்துள்ளது.நேப்பல்ஸ் நகரில் நடைபெற்ற ஆட்டத்தில் கோமோவை 3-1 எனும் கோல் கணக்கில் நேப்பலி வீழ்த்தியது.இதுவரை ஏழு ஆட்டங்களில் களமிறங்கியிருக்கும் கோமோ, இரண்டு ஆட்டங்களில் வெற்றி பெற்றுள்ளது.எட்டு புள்ளிகளுடன் லீக் பட்டியலில் அது 14வது இடத்தில் உள்ளது.