தங்கல் அமீர் கானின் கடைசி படமா ?
![தங்கல் அமீர் கானின் கடைசி படமா ?](http://img1.dinamalar.com/cini//CNewsImages/NTLRG_20161201162057297723.jpg)
தனது படங்களில் அர்ப்பணிப்பு உணர்வுடன் பணியாற்றுபவர் என பெயர் வாங்கியவர் நடிகர் அமீர் கான். தற்போது அவர் நடித்துள்ள தங்கல் படத்திற்காக 30 கிலோவிற்கும் மேல் உடல் எடையை கூட்டியும், குறைத்தும் நடித்துள்ளார். ஒரே படத்தில் 97 கிலோ வரை உடல் எடையை கூட்டியும் குறைத்ததும் பற்றி, சமீபத்தில் நடந்த செய்தியாளர் சந்திப்பில் அமீர் கானிடம் கேட்கப்பட்டது. அதற்கு பதிலளித்த அவர், நான் 97 வரை எடையை கூட்டியதும் இது தான் எனது கடைசி படமாக இருக்கும் என எனது நண்பர்கள் கூறினர். இதற்கு பிறகு என்னால் உடல் எடையை குறைக்கவோ, கட்டுக்கோப்பாக மீண்டும் மாறவோ முடியாது என்றனர். தங்கள் எனது கடைசி படமாக இருக்க போகிறது என வருத்தப்பட்டனர். இதை நேரடியாக என்னிடம் அவர்கள் கூறவில்லை. அவர்கள் என்னுடன் பேசும் போது அவர்கள் கண்களிலேயே இது தெரிந்தது. மீண்டும் எடையை குறைப்பது மிகப் பெரிய சவாலாக இருந்தது. சில சமயங்களில் நான் எனது நம்பிக்கையை இழந்து விட்டேன் என்றார். டைரக்டர் நிதேஷ் திவாரி இயக்கி உள்ள தங்கல் படம் இந்த ஆண்டு டிசம்பர் 23ம் தேதி ரிலீசாக உள்ளது.
மூலக்கதை
![](https://www.tamilmithran.com/img/apple_icon.png)